La gnove gjenerazion artistiche taliane e mitteleuropeane e vûl fâsi sintî: la cuinte edizion dal “Mittelyoung”, il progjet dal “Mittelfest” nassût intal 2021 par valorizâ e sostignî la creativitât e il talent dai zovins sot dai 30 agns, e regjistre ben 182 domandis di partecipazion, rivadis di 22 Paîs diferents. Tra chestis, plui di 80 a rivin dal forest e di cuasi ducj i Paîs ametûts ae selezion. “Mittelyoung”, in sene dai 15 ai 18 di Mai a Cividât, al è ricognossût aromai tant che un trampulin di lanç par sburtâ la cariere bande i palcs internazionâi. Ancje chest an, dopo il sucès de edizion 2024, e sarà la jurie internazionâl di esperts a judicâ i spetacui in sene, cul obietîf di acompagnâ e valorizâ la alte cualitât professionâl dai artiscj europeans zovins. “Ogni edizion e je une sfide divierse – al comente il diretôr artistic Giacomo Pedini – parcè che no si pues previodi la rispueste che e rive dai Paîs coinvolts, cussì tant che a son inspietadis lis propuestis artistichis dai zovins: chest an a son in cressite propit chês che a rivin de Italie”. (A.I.) – 21.02.2025
Foto di L. d’Agostino
