Gurize e siere la stagjon cun musiche e ridadis

Grant finâl di stagjon miercus ai 15 pal Teatri “Verdi” di Gurize. I spetatôrs a saran puartâts di Teo Teocoli traviers i fatuts plui divertents de sô vite artistiche, intal show “A tutto Teo”, a base di musiche, divertiment e cabaret. L’atôr mataran, acompagnât de band Doctorbeat, al darà vite a un “one man show”, un spetacul di bessôl, cul miôr dal so repertori artistic: dai monolics aes parts musicâls, fint aes imitazions e ai siei personaçs plui origjinâi, intun “viaç par ledrôs” inte sô cariere di atôr, cjantant, balarin. Une maniere par tornâ aes origjins e ae essenzialitât de comicitât, traviers dutis lis formis di spetacul lizêr. (A.I.) – 14.05.2024