Henry Fonda: il “dopli” dal president Kennedy

A pocjis setemanis de sierade de mostre dedicade ae ere Kennedy, intal Cjistiel di Glemone, simpri par cure de Cineteche dal Friûl, proiezion speciâl di un cine che al è stât presentât chest an tal Festival di Berlin: “Henry Fonda for President” dal austriac Alexander Horwat. Martars ai 17 tal Cine Teatri ”Sociale” di Glemone, dopo l’incuintri cul regjist e la sô colaboradore Regina Schlagnitweit, proiezion a jentrade libare di un cine che al conte l’atôr plui emblematic de ere Kennedy, Henry Fonda: il “dopli” perfet dal president JFK, che al fo ancje il pari di dôs iconis zovinis dai agns ’60, Jane e Peter Fonda. (A.I.) – 16.09.2024