I 30 agns di “Dedica” intune schirie di spetacui

Cuatri produzions dal festival ispiradis aes oparis di ancjetancj siei protagoniscj, fatis di artiscj dal Friûl-Vignesie Julie e rapresentadis in vot comuns de regjon, a componin la rassegne estive itinerante “La vita è l’arte dell’incontro” (La vite e je la art dal incuintri”), che e va indevant cu la fieste pai trente agns di “Dedica”. Il public al podarà riscuvierzi cualchi spetacul lât in sene in passât pal cicli “Anteprima Dedica”. Si tache martars ai 18 a Bagnarie (Las Dal Dan) cun “Un mare di suoni” (Un mâr di sunôrs): dialics musicâi dilunc des rivis dal Mediterani, in repliche ai 4 di Lui a Budoie, cul Karpos Trio di Giovanni Fassetta, Lorenzo Marcolina e Ermes Ghirardini. Un viaç fra lis sonoritâts e lis tradizions musicâls dai Paîs des dôs spuindis dal Mediterani. (A.I.) – 17.06.2024