I Arearea a danzin il Bolero di Ravel tal parc

Marta Bevilacqua e Roberto Cocconi si misurin cu lis tantis partiduris di trente agns di danze contemporanie di autôr. A scjalâ la mont di Ravel, a saran tredis danzadôrs di Arearea cui Radio Zastava: vot musiciscj dal vîf par rangjâ di gnûf il “Bolero”. La residence di artist “Dialoghi” e vierç lis puartis al public domenie ai 2 aes 7 sot sere a Vile Manin, cuntun dai prins avigniments che a celebrin i trente agns di ativitât de compagnie udinese. La jentrade e je libare, ma i puescj a son limitâts, prenotazions su: residenzevillamanin@cssudine.it. (A.I.) – 30.06.2023