I arlêfs de ‘Nico Pepe’ ator cun Shakespeare e Pasolini

Il spetacul “La Primula e il Temporale”, che al viôt protagoniscj i arlêfs dal prin an di cors de academie civiche di art dramatiche “Nico Pepe” di Udin, dopo une prime version presentade a “Vicino/Lontano”,  al torne in sene in cuatri tapis: miercus ai 14 a Bagnarie, il dì dopo a Udin inte arene de Nico Pepe, vinars ai 16 a Tierç a palaç Vianelli e sabide ai 17 a S. Vît dal Tiliment al teatri Arrigoni. Il spetacul, al sclarìs il regjist Claudio de Maglio, al cjape ispirazion di un curtmetraç di Pasolini, “Cosa sono le nuvole”, che traviers une rapresentazion di marionetis e puarte la storie dal Otello di Shakespeare a tratâ riflessions esistenziâls. (A.I.) – 13.06.2023