39
Al sarà ancjemò il senari naturâl dal parc “Rizzani” a Pagnà a ospitâ vinars ai 14 il gnûf apontament cu la rassegne itinerante di musiche e teatri “Palchi nei parchi” (Palcs intai parcs), ideade dal Servizi forestis e Cuarp forestâl de Regjon, sot de direzion artistiche e organizative de Fondazion “Luigi Bon”. In program il conciert de FVG Orchestra, direte di Paolo Paroni, che e celebre la mari di ducj i grups musicâi, cui lôr tocs rangjâts in clâf sinfoniche. “All You Need Is Love. Beatles in Symphony” al è dedicât propit ai cuatri fantats di Liverpool che a àn cambiât il mont tai agns Sessante. (A.I.) – 13.06.2024
