I cines de mostre di Vignesie a Udin

Al sarà il Visionario di Udin a ospitâ martars ai 24 il prin apontament cu la edizion 2024 de rassegne dedicade ai cines de Setemane internazionâl de critiche aes Zornadis de Mostre dal cine di Vignesie. Il progjet al darà la oportunitât al public di assisti a gratis, cu la introduzion di critics cinematografics, a oparis primis di regjiscj emergjents destinâts a cjapâ fuarce intal panorame cinematografic internazionâl, selezionadis dal Sindicât Nazionâl Critics Cinematografics Talians. La serade e sarà introdote di Luca Censabella, intant che il regjist Fede Gianni al sarà presint in sale pe proiezion di “Billi il cowboy” e par sierà, la vision de version origjinâl sottitulade par talian di “Peacock”, prin luncmetraç di Bernhard Wenger. (A.I.) – 23.09.2024