I cines si viodin in biciclete a Grau

Cine al viert, incuintris cui protagoniscj, zîrs in biciclete ae scuvierte dal teritori, musiche, cercis e laboratoris par fruts. La prime edizion di “Cinebike Festival” e je pronte a partî a Grau, di vinars ai 16 a sabide ai 24, cuntun program plen di cine, avigniments e incuintris dedicâts a dute la famee. Cûr dal festival e sarà la arene “bike-in”, la version ecologjiche e su dôs ruedis dal model statunitens dal drive-in: posizionade dentri dal Parco delle rose, e sarà acessibile in biciclete par podê cjalâ i cines in cartelon sentâts cun comut sot des stelis. Une esperience di cine divierse e ecologjiche. In program plui di 15 cines, ancje cui sottitui in inglês, e lunis ai 19 il rapper Frankie Hi-nrg al premiarà i vincidôrs dal concors pes scuelis, dedicât ae mobilitât sostignibile. (A.I.) – 16.06.2023