I efiets dai social su la nestre (dis)informazion

Un dai plui preseâts zovins dramaturcs e regjiscj de sene taliane, Emanuele Aldrovandi, che a mancul di cuarante agns al à vinçût za plui di cualchi premi, al presente il so ultin lavôr vinars ai 13 tal Teatri “Benois De Cecco” di Codroip e sabide ai 14 tal Auditorium Centri Civic di S. Vît dal Tiliment. “Come diventare ricchi e famosi da un momento all’altro” (Cemût deventâ siôrs e innomenâts di un moment a chel altri) si concentre sui efiets de nestre modernitât, su la disinformazion e sul sisteme tirât su’ dai social, prime acusâts di creâ distancis tra lis personis e in pôcs agns calcolâts invezit l’unic mût par vê contats. (A.I.) – 12.12.2024