I migrants dal 1991 in sene a Gardiscje

La rassegne “Innesti – Connessioni teatrali affatto prevedibili”, ideade di ArtistiAssociati, e va indevant cul so percors cuntun spetacul comovent scrit e diret di Daniela Nicosia cun Massimiliano Di Corato (produzion Tib Teatro). “La nave dolce” e sarà joibe ai 19 e vinars ai 20, aes 8.30 sore sere, te Sale Bergamas a Gardiscje. Trê vôs – chê di cui che si met in viaç, chê di cui che al acete, chê di cui che al cjale – e une storie in trê lenghis, cun trê ponts di viste diviers, par contâ un avigniment che al à cambiât par simpri la storie: la nâf che ai 8 di Avost dal 1991 e rivà cun 20 mil personis de Albanie al puart di Bari. (A.I.) – 18.10.2023