I talents dal Conservatori de Svuizare taliane a Pordenon

Secont apontament de rassegne “Contrappunti” (Cuintriponts), ideade dal Teatri “Verdi” di Pordenon, che e cjape dentri musiciscj zovins in dialic cun stimâts mestris par ufrî al public un viaç sonôr ae scuvierte di gnovis personalitâts, stîi e struments musicâi. Martars ai 11 tal Spazi “Due” dal teatri pordenonês al sarà protagonist l’Ensemble di Flâts de Scuele Universitarie dal Conservatori de Svuizare taliane, componût di students e professioniscj in formazion continue, vuidât di Fabien Thouand, prin oboe de Orchestre Nazionâl Santa Cecilia. Il program musicâl al spaziarà dal repertori dal Votcent fint ae musiche contemporanie. (A.I.) – 10.02.2025