I vincidôrs dal concors di multimedialitât

A son stadis une cincuantine lis video oparis che a àn partecipât ae cuarantesime prime edizion dal Concors internazionâl di multimedialitât “VideoCinema&Scuola”, promovût come simpri dal CICT – Centri Iniziativis Culturâls di Pordenon. Di un an in chel altri, lis oparis presentadis a dimostrin un impegn dal mont de scuele par valorizâ la culture cinematografiche e multimediâl, cjapant lis classis intun lavôr extrascolastic che al inricjìs i programs. Ancje chest an, une vore di students di dute Italie, e no dome, a àn partecipât cu lis lôr produzions. Il premi dal Centri Iniziativis Culturâls di Pordenon – Sezion pe Universitât, inte serade presentade dai Papu, al è lât a David Radovanovic de Academie di Bielis Arts di Vignesie e a Noa Chiantor dal DAMS di Padue. Tra i tancj premis, chel par un reel/tiktok che al rivedi a promovi un cjanton dal Friûl-Vignesie Julie al è lât a “Lûcs insolits di Pordenon” di Andrea Rizzo, Martina Battiston, Giuseppe Lobono e Mirko Turchet dal Istitût tecnic “Flora” di Pordenon. (A.I.) – 07.04.2025