Iachetti-Belvedere a sierin trê salis dal circuit dal Ert

Enzo Iacchetti e Vittoria Belvedere a son ospits di trê salis dal circuit dal Ert cu la comedie brilante di Peter Quilter, “Bloccati dalla neve” (Blocâts de nêf). Il spetacul al siere i cartelons 2022/23 dal “Clabassi” di Sedean martars ai 28, dal “Marin” di Grau miercus ai 29 e dal “Verdi” di Mugle joibe ai 30, simpri aes 8.45 sot sere. Il test, di un autôr di spetacui di sucès, al è stât scrit intal 2020, dilunc dal prin lockdown. Il teme, di fat, e je la convivence tra personis diviersis, par caratar e par il mût di concepî il mont e la vite, intune situazion al limit, di massime dibisugne. (A.I.) – 27.03.2023