Il ‘Bon’ al siere la stagjon cul “Cantiere dell’arte”

Ultin apontament, miercus di sere, pe stagjon dal Teatri “Bon” di Culugne, cui musiciscj dal Cantiere dell’arte de Fondazion Bon, che a sunaran il Carnevâl dai Animâi di Saint-Saëns: une opare di ridi e iriverente, scrite par doi pianos e une piçule orchestre, componude par celebrâ cui amîs lis fiestis di Carnevâl. Inte ocasion speciâl, al sunarà ancje il diretôr Claudio Mansutti, a flanc di un grup di musiciscj ducj furlans che a son a stâ achì di timp. Ducj, par altri, a son ancje protagoniscj inte FVG Orchestra o in diviersis formazions innomenadis. (A.I.) – 02.05.2023