Il borc di Voleson si jemple di musiche

Si intitule “Borgo in musica” il festival che dai 8 ai 11 di Jugn al jemplarà di notis, artiscj, struments e vôs ogni cjanton di Voleson Darzin. L’antîc borc medievâl al deventarà un palc a cîl viert, contignidôr di esperiencis musicâls diviersis, dal baroc al pop al rock, cun orchestris, corâls, bandis intes placis, intal cjistiel e intes stradis. A vierzi la manifestazion joibe ai 8 in Place Cjistiel il Freevoices Show Choir diret di Manuela Marussi. Dopo il grant sucès dal conciert di viertidure al festival “èStoria”, il complès dal Lusinç al proponarà al public une racuelte dal miôr dal propri repertori. (A.I.) 07.06.2023