Il cine su Kennedy che no si viôt di plui di 50 agns

Intal secont apontament di Zenâr cu la rassegne cinematografiche che e acompagne la mostre “Allo specchio dell’era Kennedy” (“Al spieli de ete Kennedy”), inmaneade tal Cjistiel di Glemone, miercus ai 17 Cine “Sociale” la Cineteche dal Friûl e presente “Executive Action” (1973) di David Miller e cun Burt Lancaster, il prin cine american che, a dîs agns dal sassinament di Dallas, si fâs domandis su la muart di John Fitzgerald Kennedy. Il cine al è stât ostacolât inte realizazion e blocât inte distribuzion: ancje la version taliane di chê volte e je impussibile di cjatâ. La proiezion, a jentrade libare, e sarà come simpri presentade dal storic dal cine Sergio M. Grmek Germani, curadôr de mostre e de rassegne. (A.I. – 16.01.2024)