La associazion culturâl Maravee e organize la 21me edizion dal festival “Maravee Circus”, che e fâs jeve su la idee dal circ intal imagjinari coletîf tant che spetacul articolât in varis numars di abilitât fisiche e artistiche. La rassegne intitulade “Cuarps gjinics e impresis teatrâls” e previôt une lungje serie di artiscj dal circ, de danze e dal teatri par cuatri spetacui gnûfs in trê cjistiei. Si partìs di Susans cun “Rinascita circense”, che e trasforme il cjistiel intun ‘circ di place intal vert’, cun Massimo Somaglino, Nicoletta Oscuro e Serena Di Blasio, ma ancje i artiscj dal Circo Orfei. Ai 16 di Lui il festival al propon un altri spetacul al Cjistiel di Glemone, ai 29 di Lui a Colorêt di Montalban e a Setembar sot dal tendon dal Circo Armando Orfei a Pordenon. (A.I.) – 06.07.2022
Il circ al devente teatri intai cjistiei furlans
171
