45
Dopo il grant sucès dal Nadâl 2023, cuant che la aministrazion comunâl e veve decidût di segnâ in cualchi mût un cambi di rote organizant un spetacul di Nadâl dedicât soredut aes fameis e ai fantats, al torne il “Circ di Invier” tal teatri gnûf “Giovanni da Udine”. Domenie ai 22 aes 6 dopomisdì, in ocasion dal spetacul tradizionâl di Nadâl ufiert de aministrazion comunâl ae citadinance, il Teatron al tornarà a animâsi cuntune schirie di acrobaziis sugjestivis in musiche. Sot de direzion artistiche di Davide Perissutti, il spetacul al viodarà alternâsi cualchidun dai artiscj plui talentuôs dal panorame contemporani dal circ di Udin. (A.I.) – 21.12.2024
