Grandis sorpresis par “Percoto Canta”, la manifestazion cjantarine che dal 1988 e à savût mudâsi un an daûr chel altri, fint a deventâ un pont di riferiment par artiscj zovins di dute Italie. E no dome, viodût che tancj artiscj di chenti, che si son esibîts o si son afermâts intune des 35 edizions, a son lâts po dopo ancje intes competizions musicâls talianis. Il cjantautôr Bungaro, un dai plui ricercjâts dal panorame musicâl talian di cumò, al sarà il president de jurie di cualitât, al lavôr pes selezions dai 17 ai 18 di Jugn a Çarvignan, pes semifinâls di Aquilee ai 29 di Lui e la finâl al Teatri Gnûf “Giovanni da Udine”, sabide ai 30 di Setembar. Il tiermin pes iscrizions al scjât ai 10 di Jugn, informazions sul sît: www.percotocanta.it. (A.I.) – 09.05.2023
Foto Tassotto & Max
