Il festival ‘cence confins’ e cence… cuatri ruedis

Il “No Borders Music Festival”l al torne intal comprensori de Valcjanâl, par une 27e edizion cuasi dome cun concierts speciâi in contescj naturalistics, dulà rivâ a pît o in bici, dilunc dal confin tra Italie, Austrie e Slovenie: i lâts di Fusine, il ripâr Gilberti e i plans di Montâs. Vinars ai 22, il festival al partìs cul unic apontaments intal centri di Tarvis, cun Nicola Conte, Sabide ai 23 la zornade di esordi cul conciert di Tommaso Paradiso ai lâts aes 2 dopomisdì e domenie ai 24, te stesse ore e tal stes puest, il conciert speciâl “L’anima del jazz” cui innomenâts artiscj internazionâi Jan Garbarek, Paolo Fresu e Trilok Gurtu. Fin ai prins dîs di Avost, la rassegne e larà indenant al Lât superiôr di Fusine, al Montâs, dulà che al torne Brunori Sas, e al ‘Gilberti’, cun James Blunt, Benjamin Clementine e Asaf Avidan. (A.I.) – 21.07.2022