188
La storie, il presint e l’avignî dal Far East Film Festival, la rassegne plui impuartante tra chês dedicadis al cine asiatic in Europe, in program a Udin dai 21 ai 29 di Avrîl, e va in struc inte gnove imagjin che e rapresentarà la vincjesime cuinte edizion. Il grafic Roberto Rosolin nol à fat un dissen, e nancje une foto, ma une opare di art creade de inteligjence artificiâl: il ritrat misteriôs di dôs musis femininis intal celest dal cîl. La rassegne si movarà ancjemò une volte inte anime dal Orient: cine, grancj ospits, mostris e cunvignis, cence dismenteâ la rêt di avigniments che a coloraran di Asie il centri de citât. (A.I.) – 14.02.2023
