Il festival itinerant di danze al sielç Maran

Al è un festival itinerant che al passe la Italie e al puarte la danze intes placis par riscuvierzi lûcs e comunitâts. La tierce des cuatri tapis talianis di “Face Off” si intitule “Porto d’arte” (Puart di art) e si davuelç di lunis a Maran, dulà che fint a sabide ai 15 la Compagnia degli Istanti di Simona Bucci e tire dentri la citadinance cun laboratoris e spetacui, valorizant il patrimoni culturâl e architetonic dal puest. Nassût intal 2013 in provincie di Macerata, il festival al è atent ai comuns di piçule dimension, dulà che al ufrìs propuestis artistichis di alte cualitât. I spetacui di compagniis famosis si metin dongje di artiscj zovins dal teritori, di là dai laboratoris di danze fats di Roberto Lori e lis ativitâts pai fruts e pes fameis. (A.I.) – 11.07.2023