Il ‘filosof mestri’ pai Amîs de Musiche

Il 2024 dai Amîs de Musiche di Udin si siere cuntun gnûf apontament de centesime tierce stagjon, tal segn de bielece de musiche di Bach, Mercadante e Grieg. Miercus ai 4 aes 19.22, il Palamostre di Udin al ospite la Orchestre de Academie musicâl Naonis di Pordenon, fondade intal 1988 di Beniamino Gavasso, tra lis orchestris regjonâls plui rapresentativis. Pe ocasion e sarà direte dal austriac Ernest Hoetz, il ‘filosof mestri’ che al fevele dîs lenghis e che al e’ un câs râr intal panorame des “bachetis” internazionâl. In bande di un musicist che al à diret passe 80 orchestris sinfonichis, dôs solistis di ecezion: la violiniste polache Karolina Nowotczyńska e la zovine flautiste taliane Margherita Brodski, vincidore dal ultin concors “Moyse” in Bulgarie. (A.I.) – 03.12.2024