“Il flauto magico” di Mozart fat pal gnûf teatri di Felet

Il Teatri “Paolo Maurensig” di Tavagnà, il “teatri di ducj” a Felet, al vierç ae grande liriche cul prossim apontament dal calendari musicâl de stagjon proponude de Fondazion “Bon”. Joibe ai 14 al ospitarà di fat “Il Flauto Magico”, la version adatade intun at unic de opare mestre dal gjeni Wolfgang Amadeus Mozart, pe regjie di Andrea Binetti, inte gnove orchestrazion di Paola Magnanini direte dal violinist Stefano Fiorini, vincidôr di cetancj concors nazionâi e internazionâi. Un spetacul maraveôs, curât de Fondazion dal Teatri Liric “Giuseppe Verdi” di Triest, pensât par podê preseâ la opare mozartiane intune version che e manten la sô bielece compositive, adatantle ai spazis dal Teatri Maurensig, par permeti a ducj di gjoldi de maravee de grande liriche. (A.I.) – 12.11.2024