Il Friûl al cine tant che une civiltât antighe

A cuatri agns di “Isabelle”, Mirko Locatelli al torne sul grant schermi cun “La memoria del mondo”, un viaç fisic e spirituâl zirât dal dut in regjon, fat cu la poie di FVG Film Commission – PromoTurismo. Il cine al sarà presentât a Cinemazero di Pordenon, miercus ai 12 aes 9 sot sere, cun intervents dal regjist e de senegjadore, Giuditta Tarantelli. Tra i lûcs plui sugjestîfs ritrats intal cine – che al conte la storie di un studiôs di art traviers lûcs dismenteâts dal om, tant che simbui di une civiltât antighe – a son lis grotis di Pradis a Clausêt, la dighe Edison di Midun e il borc di Movada tornât fûr des aghis, la Risierve regjonâl naturâl de fôs dal Lusinç – isole de Cone e de Val Cavanata, Grau e Triest. (A.I.) – 11.04.2023