Il Friûl al devente… Istrie intun cine

Si son sieradis lis ripresis in regjon dal cine “La bambina con la valigia”, diret di Gianluca Mazzella, cu la senegjature fate di Andrea Porporati, prodot di Clemart e Rai Fiction. Ispirât al libri cul stes titul di Egea Haffner e Gigliola Alvisi, il cine al sarà mandât di Rai1 l’an che al ven, in ocasion de Zornade dal Ricuart 2025, e al conte une storie vere dentri dal esodi che al à segnât miârs di fameis talianis, julianis e dalmatis. Lis ripresis, scomençadis ai 14 di Otubar, a àn tocjât diviersis ambientazions dal Friûl-Vignesie Julie: Triest, Sistiane, Duìn-Nabresine, Grau (doprât par rapresentâ Pola), i Lâts di Fusinis, il Parc Piuma dal Lusinç e Gurize, sielte par rapresentâ lis ambientazions di Bolzan. La produzion e à beneficiât dal supuart de Film Commission dal Friûl-Vignesie Julie–PromoTurismoFVG. (A.I.) – 03.11.2024