Il “Giovanni da Udine” al vierç cu la grande musiche classiche

Scree di stagjon dute intal segn de grande musiche pal Teatri gnûf “Giovanni da Udine”, che sabide ai 12 al tire sù il sipari sul prin dai 56 apontaments in program. Une stagjon, la vincjesime otave, firmade dai diretôrs artistics Paolo Cascio, Fiorenza Cedolins e Roberto Valerio, che a ufriran al public il miôr in circuit in Italie e tal forest al dì di vuê. La grande musiche classiche e inviarà la stagjon cu la zovine orchestre Luigi Cherubini, formazion “zovine” par etât, fondade vincj agns indaûr di Riccardo Muti, e pai professôrs di orchestre che le componin, ducj sot dai trente agns e sielts dopo audizions tant dificilis. La orchestre e sarà direte pe ocasion di Charles Dutoit, l’innomenât mestri svuizar cun passe sessante agns di cariere. (A.I.) – 11.10.2024