Il jazz a Cormons al fâs fieste pai 25 agns

Martars ai 4 di Otubar a Cormons si presente la 25e edizion di  “Jazz & Wine of Peace”, che si tignarà dal 19 ai 23 di Otubar tal Cuei furlan e chel sloven. In program plui di 20 concierts, par celebrâ insiemi cul public di apassionâts chest impuartant aniversari, ae insegne de grande musiche, cun grandis stelis dal jazz e i musiciscj de gnove sene nazionâl e internazionâl. Un dai grancj interpretis, bielzà anunziât, al è Michel Portal, une des grandis liendis dal jazz, al Teatri Comunâl ai 20 di Otubar. Un dai “regâi” che la rassegne di circul Controtempo – une de plui vecjis e innomenadis in Italie, e no dome – e fasarà al public. Il saxofonist e polistrumentist al presentarà il so ultin album “Mp85”, che al celebre il so complean, ai 27 di Novembar. (A.I.) – 29.09.2022