Il jazz di dut il mont a Sacîl pe decime novesime volte

Cun sîs concierts che a puartaran a Sacîl, ancjemò une volte, i grancj nons de sene jazzistiche mondiâl, si tignarà dai 4 di Novembar ai 7 di Dicembar la decime novesime edizion di “Il volo del Jazz”, la rassegne inmaneade dal circul Controtempo di Cormons. Di profîl cetant impuartant il cartelon, che al presente, fra chei altris, un dai bateriscj plui impuartants e influents di ducj i timps, Steve Gadd, ma ancje Dhafer Youssef, un dai esponents plui amâts dal jazz etnic contemporani, il britanic Alfa Mist, la bassiste Manou Gallo, la cjantante Karima cuntun program in onor di Burt Bacharach e il pianist francês Gregory Privat. (A.I.) – 29.09.2023