Il jazzist U.T. Gandhi al sune al tramont li dal Fuart di Osôf

Conciert al tramont sul fuart di Osôf, sabide ai 7 tacant des 5.15 dopomisdì, prime che il soreli al tachi a lâ jù, pal baterist jazz Umberto Trombetta, o sedi U.T. Gandhi: un dai musiciscj plui impuartants de sene furlane, che al à lavorât cun grancj nons internazionâi e al à zirât dut il mont. Pal conciert ‘Music for the world’, musiche pal mont, al sunarà di bessôl: la batarie, lis percussions e i struments eletronics. Un viaç ator dal mont par contâ 40 agns di cariere e di vite vivarose, pagjinis indelebilis di un diari personâl che il musicist al vûl condividi cun ducj fint al tramont dal soreli. (A.I.) – 06.10.2023