27
Il centri di produzion teatrâl ArtistiAssociati al propon ancjemò la prove di un spetacul inte suaze dal progjet “Artefici”, residencis creativis dal F-Vj, cheste volte cu la compagnie IAC – Centri Arts Integradis, pe regjie e dramaturgjie di Andrea Santantonio, cun Nadia Casamassima e Barbara Scarciolla, ospits par dôs setemanis di lavôr. La compagnie e à lavorât cui fantats des scuelis sul progjet “Mediterraneum Proximum”, che al imagjine il Mediterani metût infin adun, interogant i abitants dal avignî: un scambi necessari pe costruzion dal progjet artistic. Proprit i fantats a saran i invidâts principâi martars ai 3 tal Kulturni dom di Gurize. (A.I.) – 02.12.2024
