Il mestri european dal piano al scomence ancjemò une volte di Culugne

Miercus ai 8, aes 8 e 45 di sere, juste daspò un an, al torne sul palc dal Teatri Luigi Bon di Culugne un dai pianiscj plui grancj dal panorame internazionâl, e aromai un “amì” de Fondazion: 𝐆𝐫𝐢𝐠𝐨𝐫𝐲 𝐒𝐨𝐤𝐨𝐥𝐨𝐯. Di diviers agns, il pianist rus al sielç di vierzi il so lunc tour european intal piçul teatri furlan – dulà che a restin ancjemò une grampe di puescj – prime di partî pes salis plui innomenadis dal continent, a taçâ di Berlin. I concierts di 𝐒𝐨𝐤𝐨𝐥𝐨𝐯, premi Tchaikovskij intal 1966 cuant che al veve dome 16 agns, a son une vere introspezion visionarie, in graciis de sô spontaneitât e de devozion cence compromès ae musiche. (A.I.) – 07.02.2023