Il ‘miôr mont pussibil’ dal cjantautôr e scritôr

Si intitule “Dove tutto rimane” (“Dulà che dut al reste”) la racuelte di vincjeun contis che e je la ultime fadie leterarie di Dave Borgobello, scritôr, senegjatôr, regjist e produtôr di oparis audiovisivis, nassût a Glemone intal 1989 e premiât a nivel talian. Il libri al è ancje une cerce dal so prin album solist. La presentazion e je in program a Udin, inte Cjase de Contadinance intal plaçâl dal Cjistiel, sabide ai 21 di Otubar, tacant des 7 di sere. Si partìs cu la presentazion dal libri, jessût fûr par KappaVu edizions, intun incuintri cul autôr moderât di Giuliano Velliscig. Daspò de presentazion dal libri, anteprime dal album solist, “Quel che rimane nel miglior mondo possibile” (“Ce che al reste intal miôr mont pussibil”), une racuelte di tocs scrits di Borgobello e rangjâts dal stes autôr e di Alessio Velliscig. (A.I.) – 20.10.2023