Il “Mittelfest” dai zovins al tache di là dal confin

Joibe ai 18 e scomence di là dal confin la tierce edizion di “Mittelyoung”, il progjet di Mittelfest dedicât ai artiscj europeans zovins sot dai 30 agns: une des novitâts plui origjinâls buridis fûr a Cividât inte suaze dai festivai talians e europeans. Fin a domenie ai 21, dome spetacui europeans selezionâts di ben 169 propuestis. La prime serade e sarà a Nova Gorica, inte Sale piçule dal SNG. Doi spetacui di circ, sielts par passâ cualsisedi bariere linguistiche e jessi a ducj i efiets ‘cence confins’, “Queto Parado” di Pietro Barilli e “CM_30” di Kolia Huneck. Il program al larà indevant di vinars ai 19 a Cividât tra musiche, danze, teatri e art. (A.I.) – 16.05.2023

Foto di M. Zimer