Il Molino Rosenkranz al fâs ‘ deventâ grancj’ a teatri

Di simpri sostignidôr e promotôr dal teatri pe infanzie, pai fruts e i fantats tant che font di ricjece educative, il Molino Rosesenkranz al puarte sul palc di sala Vittoria a Feagne une altre ‘prime’ regjonâl pe rassegne “Fila a Teatro”. La compagnie toscane Blanca Teatro e metarà in sene “Mamì” domenie ai 15, aes 4.30 dopomisdì: une storie cun Simonetta Bacigalupi, Cristina Conti, Teresa Direnzo, Mariateresa Spadini, par un public dai trê agns in su. Il spetacul al ricostruìs il percors burascjôs e emozionant che ducj a vivin, passant da piçui a grancj. (A.I.) – 13.01.2023