Il Pali teatrâl al tache cundut dai tais

Dopo dôs edizions metudis in dubi de pandemie – une dome virtuâl, une sot di un tendon di circ -, il Palio teatrale studentesco Città di Udine nol mole e al torne pe cincuantesime seconde edizion. Chê plui dificile, forsit, daspò il mancjât ricognossiment di une lungje tradizion culturâl dal Teatro Club Udine di bande de Regjon e la bolade dai finanziaments par un grant progjet trienâl che al varès dât flât aes financis di une manifestazion tra chês cu la vite plui lungje tal panorame teatrâl talian. Dai 27 di Avrîl ai 24 di Mai, cuasi un mês di spetacui al Palamostre cun 24 grups e plui o mancul 500 students, che a parteciparan ae grande rassegne organizade come simpri dal Teatro Club. Sabide ai 15, une cerce in Corte Morpurgo cuntun struc di cinc minûts, un piçul estrat dai spetacui presentâts. (A.I.) – 13.04.2023