Al è jessût vuê, ai 21 di Març, no par câs la prime dì che e salude la Vierte, il gnûf singul di Remo Anzovino, intitulât “Sky flowers”. Il toc al è il secont gjavât fûr di “Don’t forget to fly”, il gnûf album di inedits che al riverà dentri de Vierte. Il sest album di studi dal pianist e compositôr di Pordenon al sarà un mosaic di insium, di scoltâ e vivi intal planet dal aiar. “Sky Flowers” al è un blues bagnât intal mâr di Napoli, che al sorpasse l’ocean par rivâ fintremai al New Jersey di Keith Jarrett. Pianist rafinât e ecletic, Anzovino al è spicât intal cors dai agns in graciis de sô origjinalitât e al è rivât a grancj risultâts, tant che i 18 milions di scoltis in streaming (dome su Spotify!) dal album “Nocturne”. (A.I.) – 21.03.2023
(Foto di Paolo Grasso)
