Il prin album di une pianiste cuntune cariere internazionâl

Al ven fûr intal dì di S. Valantin, vinars ai 14, il prin album de compositore, docente e cjantante Mara Corazza, une artiste cuntune cariere internazionâl che cumò e scuvierç lis sôs abilitâts creativis in “La sapienza dei ciliegi millenari” (La sapience dai cjariesârs milenaris). Vot tocs par violoncel, sunât di Andrea Musto, e par piano de stesse Corazza, regjistrâts dai studis Artesuono di Stefano Amerio, par componi une antologjie di emozions sonoris racueltis intun disc distribuît di “The Artist Garage” di SimulArte, disponibil su dutis lis buteghis digjitâls principâls e inte version fisiche. Il titul dal album al memoree lis passions de compositore di Monfalcon pe culture gjaponese, fasint une schirie  di poesiis musicâls che a dan sun, in clâf dal dut personâl, a varis aspiets leâts ae filosofie e al pinsîr gjaponês. (A.I.) – 12.02.2025