Il prin Shakespeare al debute a Udin

Al debute a Udin in prime assolude joibe ai 23 e vinars ai 24, li dal Palamostre par Teatro Contatto “Black Star”, un spetacul realizât di un test di Fabrizio Sinisi che si riclame al “Tito Andronico”, la prime opare di William Shakespeare, cu la regjie di Fabrizio Arcuri. Il spetacul al puarte in sene une tragjedie contemporanie, un tratât ambigui su la violence, e in particolâr su la violence sociâl leade ae presince dal forest. Il test al è une analisi dispietade di une societât – la nestre – che si ingjane di vê dislontanât di se ogni forme di ferocitât, ma che al à dome scuindût i mecanisims. (A.I.) – 22.11.2023