Gioele Dix al è l’ultin ospit de stagjon teatrâl 2024/2025 di Talmassons, promovude dal circuit de ERT e de aministrazion comunâl. Joibe ai 27 al va in sene “Ma per fortuna che c’era il Gaber“ (Ma par fortune che al jere il Gaber), un “viaç jenfri inedits e memoriis dal Siôr G.”, che al sierarà la programazion dal Auditorium Comunâl. Gioele Dix, compagnât dai musiciscj Silvano Belfiore al piano e Savino Cesario ae ghitare, al larà sù sul palc cul ultin di une schirie di tribûts che dal 2004 al à dedicât al artist milanês, amirât fin de sô adolessence. Il spetacul al è costruît tant che un itinerari insolit dentri dal teatri cjançon di Giorgio Gaber e Sandro Luporini, là che tocs cognossûts dal lôr repertori si instrecin cun musichis e tescj inedits. (A.I.) – 26.03.2025
Foto di A. Piscaglia
