Il sît Unesco al devente “une fuartece di pâs in musiche”

Une rassegne che ancjemò une volte e trasformarà il sît Unesco di Palme intune “fuartece di pâs in musiche”, cun dîs dîs di avigniments, concierts, mostris e passe 1.200 musiciscj zovins che a vegnin di 20 nazions dal mont. Chest il program, dai 4 ai 11 di Mai, dal decim secont Concors musicâl internazionâl Citât di Palme-Premi Unesco, che al viodarà la jurie internazionâl, vuidade di Franco Calabretto, impegnade in 350 audizions par plui o mancul 100 oris di musiche tal Teatri Modena e tal Auditorium S. Marc. Lis orchestris, i grups di cjamare e i soliscj dividûts intes variis categoriis di etât a saran valutâts cun atenzion, ma a saran ancje concierts pal public sul palc preparât in Place devant dal Municipi. (A.I.) – 03.05.2024