23
La vincjesime edizion dal festival “Il volo del jazz” (Il svol dal jazz) e je pronte par un grant finâl, vinars ai 6 li de Fazioli Concert Hall di Sacîl, cu la esibizion dal pianist spagnûl Daniel García. Figure di spic de sene jazz internazionâl, García al è cognossût pe sô capacitât di fondi jazz, flamenco, musiche classiche e contemporanie intun stîl unic e inovatîf. Votât “miôr artist european” de Académie du Jazz, García al presente un spetacul che al esplore lis lidrîs de tradizion musicâl spagnole, cuntune impostazion inovative. (A.I.) – 05.12.2024
