Il teatri a scuele, ma cun semplicitât

Decime cuinte edizion par “Teatro fatto di niente”, il progjet storic dal Ent regjonâl teatrâl dal Friûl-Vignesie Julie che al à sielt la semplicitât tant che poetiche, e che ancje chest an al à cjapât dentri dutis lis sîs classis de scuele primarie Friz. Martars ai 6, aes 5 dal dopomisdì, al rive sul palc dal Auditorium Zanon di Udin par presentâ il spetacul finâl dal titul “Un mondo di libri”. Il progjet al è stât curât de atore Serena Di Blasio intune cul danzadôr Marco Pericoli pal CTA di Gurize. Il libri al è stât il teme de edizion 2023 e ogni classe e à aprofondît un aspiet particolâr dal rapuart personâl cun chest ogjet speciâl, bon di vê dentri un mont. (A.I.) – 05.06.2023