Il teatri che al va fûr dai teatris

Al torne dai 30 di Jugn ai 21 di Setembar “Teatri fuori dai teatri”, il zîr turistic teatrâl ideât e inmaneât de Compagnia di Arti&Mestieri di Pordenon e fat cu la poie de Regjon. Il festival estîf che al coniughe teatri e ambient al puartarà il teatri no dome al aiar viert, ma ancje in abitazions privadis, a contat cu lis personis, par promovi la socialitât intun clime conviviâl. Zîrs, spetacui, musiche, esperiencis e moments enogastronomics a saran la ocasion par riscuvierzi, tra savôrs e savês, il teritori e lis culturis locâls che a son ae base de identitât coletive. La rassegne, in 13 apontaments, e tache domenie ai 30 a Polcenic, inte Glesie di S. Jacum, dulà che al va in sene “Qui tra cielo e monte – ritratti senza cavalletto” (Chi tra cîl e mont – ritrats cence cavalet) di Artèinsieme, cun Angela Poletto, Valentina Talami e la vôs di Bruna Braidotti che e recite i tescj de contesse Elena Fabris Bellavitis, vivude intal secul decim novesim. (A.I.) – 29.06.2024