Il teatri in cantine al è plui vivarôs

A continuin i “Classics in cantine”, un dai progjets colaterâi dal festival l’Arlecchino Errante 2022, che al dediche la 26a edizion al teme “Regreen”, cun titui famôs dal teatri, rivisitâts intune version vivarose, inte senografie di ecezion di cantinis e aziendis agriculis dal teritori pordenonês. Il secont apontament, miercus ai 14 aes 9 di sere, dentri dal sugjestîf vignâl circolâr de aziende vitivinicule I Magredi, a Sant Zorç de Richinvelde, cun “Un’altra storia di Giulietta e Romeo”, inte version tornade a scrivi di Ferruccio Merisi, diretôr artistic di Arlecchino Errante, pe compagnie Hellequin di Pordenon. (A.I.) – 13.09.2022