Il Teatri Stabil Furlan al vierç ae lenghe slovene

Gnûf apontament cu la stagjon organizade dal Teatri Stabil Furlan, che al presente un spetacul inovatîf in lenghe slovene soretitulât in lenghe furlane, il risultât di une gnove colaborazion tra culturis diviersis. Joibe ai 9 aes 8.45 di sere al Teatri “San Giorgio” di Udin, al larà in sene “La fattoria degli uccelli”, une coproduzion dal Teatri Stabil Sloven e dal Teatri di Cjaudistrie curade dai fradis Jaka e Jera Invanc, ispirâts de comedie “I uciei” di Aristofane. Il progjet al nas de volontât di meti in sene une comedie antighe classiche in forme inzornade ma che, intal stîl di cumò, e conservedi i contignûts, lis carateristichis e lis modalitâts dal teatri antîc. A introdusi il spetacul, une cunvigne tal dopomisdì. (A.I.) – 08.03.2023