Il Teatro Incerto a cjase sô cu la storie di trê paiaçs

Tape cjasandrine pal Teatro Incerto. Il tercet di Grediscje di Sedean al sarà ospit vinars ai 6 dal Teatri “Plinio Clabassi” cul gnûf lavôr in lenghe “Spierdûts”, scrit di Fabiano Fantini, Claudio Moretti, Elvio Scruzzi cun Giovanni Visentin. I prins a son  trê paiaçs anzians e plens di magagnis, che si cjatin a condividi un cuviert di fortune ai margjins di une grande citât, costrets a fâ lavôrs umiliants par tirâ indenant, ma cence rindisi e continuant a visâsi dal lôr passât siôr di glorie. Il spetacul al tornarà intal circuit dal ERT sabide ai 14 tal TeatrOrsaria, ai 19 di Zenâr a S. Vît dal Tiliment e ai 15 di Fevrâr a Prissinins. (A.I.) – 05.12.2024

Foto di Alice Durigatto