Il tour ‘ecologjic’ di Elisa al rive ancje in Friûl

Il so viaç in 20 regjons nol è nome che un tour musicâl, ma une testemoneance di impegn ambientâl. Elisa Toffoli, in art Elisa e vonde, la cjantante taliane plui valente dai ultins 20 agns, e sarà joibe ai 4 in place a Palme cuntune tape dal “Back to the Future Live Tour”, un progjet colossâl cu lis sôs cjançons plui bielis e une sielte cussiente par meti in prin plan localitâts di particolâr impuartance naturalistiche, storiche e/o culturâl. Il tour-festival itinerant di Elisa i da ancje vite al progjet “Music For The Planet” a pro di Legambiente par plantâ arbui in diviersis areis talianis. Propit l’interès costant de cjantante pal planet al à puartât l’Onu a nomenâle tant che prin “Aleât” te campagne “SDG Action” sui Obietîfs di disvilup sostignibil. (A.I.) – 02.08.2002