Il “Verdi” al puarte sul palc i gnûfs talents

Gnûf apontament joibe ai 6 pe rassegne musicâl “Contrappunti” dal Teatri “Verdi” di Pordenon, che e celebre lis gjenerazions zovinis di musiciscj, proponint al public un viaç sonôr insolit ae scuvierte di gnovis personalitâts, gnûfs stîi e struments. Sul palc doi interpretis di ecezion: il violinist pordenonês Nicola Di Benedetto, talent zovin di grandis dotis tecnichis e espressivis, nassût intal 2001, e il pianist Alberto Ferro, protagonist intai teatris plui prestigjôs. Adun a daran vite a un dialic musicâl bon di riclamâ la magjie e la passion di un mont che al continue a vivi traviers la musiche, cul conciert dal titul “Gitana”. (A.I.) – 05.03.2025